Արաբկիրի թաղապետարանի 8 աշխատակիցների, այդ թվում 3 պաշտոնատար անձանց մեղադրանք է ներկայացվել

Քննչական կոմիտեն Արաբկիրի թաղապետարանի 8 աշխատակիցներին, այդ թվում՝ Երևան քաղաքի Արաբկիր վարչական շրջանի աշխատակազմի 3 պաշտոնատար անձանց, քրեական օրենսգրքի տարբեր հոդվածքներով մեղադրանքներ է ներկայացվել, հայտնել է ՔԿ մամուլի խոսնակ Գոռ Աբրահամյանը։ Մեղադրյալներից 4-ի, այդ թվում երկու պաշտոնատար անձանց նկատմամբ, որպես խափանման միջոց է կիրառվել կալանքը, մյուս պաշտոնատար անձի նկատմամբ՝ տնային կալանքը և գրավ՝ 30 մլն դրամի չափով։ Եվս 3 անձի նկատմամբ որպես խափանման միջոց է կիրառվել բացակայելու արգելքը:

Աբրահամյանը հայտնել է, որ քրեական գործերը վերաբերում են ՔՕ 441-րդ հոդվածի 2-րդ մասի 2-րդ և 4-րդ կետերով (Պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը, որը պատճառել է առանձնապես խոշոր չափերի գույքային վնաս, պատժվում է ազատազրկմամբ՝ մինչև 8 տարի ժամկետով), 46-441-րդ հոդվածի 2-րդ մասի 2-րդ և 4-րդ կետերով (Պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելուն կամ լիազորություններն անցնելուն հանցակցելը, որը պատճառել է առանձնապես խոշոր չափերի գույքային վնաս, պատժվում է ազատազրկմամբ՝ մինչև 8 տարվա ազատազրկմամբ), 435-րդ հոդվածի 2-րդ մասի 3-րդ և 4-րդ կետերով (Կաշառք ստանալը, կաշառք տվողի կամ նրա մատնանշած անձի օգտին թողտվության կամ հովանավորչության կամ այլ ապօրինի գործողության կամ անգործության համար կամ անձի իրավունքները, ազատությունները կամ օրինական շահերը ոտնահարելու սպառնալիքով՝ պատժվում է ազատազրկմամբ՝ մինչև տասը տարի ժամկետով, մեղադրվում է մինչև 10 տարի ազատազրկմամբ), 436-րդ հոդվածի 2-րդ մասի 3-րդ կետով (Կաշառք տալը իր կամ իր մատնանշած անձի օգտին պաշտոնատար անձի կողմից թողտվության կամ հովանավորչության կամ այլ ապօրինի գործողության կամ անգործության համար, պատժվում է ազատազրկմամբ՝ մինչև 5 տարի ժամկետով) և 437-րդ հոդվածի 1-ին մասով (Կաշառքի միջնորդություն, պատժվում է ազատազրկմամբ՝ մինչև 3 տարի ամկետով) նախատեսված հատկանիշներով։